التسويق و رجال البيع
بقلم Angel Whisper
الصفحة الرئيسية >> العدد الثالث >> التسويق و رجال البيع
التسويق كلمة بتترد في مجتمعنا بمفهوم نوعا ما خاطئ ناس كتير بتتعامل مع التسويق ورجل البيع على إنهم حاجه مخجلة أو إنها وظيفة لا تليق بشاب خريج جامعة لكن ده طبعا بيقلل من قيمة التسويق
التسويق عباره عن عمليه لترويج المنتجات والسلع بتاعة الشركة علشان تعرف بيها العملاء أو المستهلكين وتقنهعم بيها ويقدرو يعرفو مميزاتها وإمكانياتها علشان يقررو إن كانو محتاجين يشتروها ولا لأ
وممكن نقول عليه برضه إن بيعد كل الأنشطة اللي ممكن تحقق أعلى مستوى من الإشباع للإحتياجات ورغبات العملاء والمستهلكين
بعد تعريفنا لعملية التسويق نيجي بقى لرجال البيع ليه النظرة دي ليهم ليه مش فاهمين إن عملهم ده صعب جدا ومش أي حد يقوم بيه لازم تتوافر فيهم قدرات معينه البيع الشخصي في معناه البسيط إنه تقديم للسلعه ولكن عن طريق المقابلات الشخصية وهدفه طبعا إقناع العميل ودفعه لشراء السلعة رجل البيع في معظم الأحيان بيعد سبب نجاح أو فشل الحملة الترويجية للمبيعات نجاحه بيتوقف على قدرته في الإقناع لأكبر عدد ممكن من العملاء
رجال البيع زي أي وظيفه بينقسمو لأنواع على حسب أنواع المستهلكين أو ممكن نقول عليهم العملاء المرتقبين
يعني مثلا في رجل بيع تجاري وده دوره العلاقات طويله المدى مع المستهلكين ومدى قدرته على تحسين العلاقات دي شغله نوعا ما بيكون روتيني ما هو مثبت العلاقات معاهم ومش بيحتاج للإبتكار أوي .
ممكن مثلا في رجل بيع مساعد بيكون مسؤول عن رفع معدلات مبيعات الشركة عن طريق مساعدته للموزعين في كيفية تنفيذهم لعملية البيع .
في مثلا رجل البيع الفني وده بيتعامل مع عملاء حاليين وبيحاول يزود من مبيعات الشركة ليهم عن طريق مثلا إنه يساعدهم ويقدملهم المشورة الفنيه في سلع عندهم إزاي يستخدموها وإيه العطال البسيطه اللي يقدرو هم يصلحوها ويوفرو على الشرك مصاريف زياده .
في مثلا رجل بيع الأعمال الجديده لما يكون في منتجات جديده مثلا مهمته بيتكون صعبه شويه لأنه بيحاول إقناع عملاء جدد أو يحول عملاء مرتقبين إلى عملاء حقيقيين مهمته بتعتمد على الإبتكار
بيتم إستخدام البيع الشخصي في حالات معينة يعني مثلا : يكون عدد المستهلكين صغير نسبيا , أو متركزين في مكان معين , او سعر السلعة غالي وبيحتاج لإقناع أكتر وعلى إنها صفقة مميزة , أو يكون حجم الطلبية كبير زي المكن مثلا ف يالمصانع الصناعية , أو مثلا إن العملاء مختلفين في المزايا المطلوبة ورجال البيع بقى بيتابعو رفضهم أو قبولهم عشان يقدرو يحددو يركزو مع مين وكمان لما تكون السلعه محتاجة شرح يعني يكون مهندس مثلا ويروح يشرح طرق إستخدام السلعة – المكن اللي قلنا عليه من شوية – ويقول بنشغلها إزاي وإيه إمكانياتها وكده
رجل البيع الشاطر زي ما بيقولو بيقدر يعرف العميل اللي قدامة عشان يقدر يقنعه وبيتبع كام خطوة كده أولهم يعرف مشاكل العميل ده ويعرف إحتياجاته من السلع إيه وبعدين يبدأ يحدد أولويات العميل بعد ما إتعرف على إحتياجاته وبعد كده يسأل العميل ده كان بيشتري إيه وبيحتاج لإيه وده طبعا جزء من إحتياجاته المستقبليه وبعد كده يعرف العميل إزاي ينسق بين الإحتياجات دي ويحدد الأولويات إزاي وكل ده طبعا عشان يكسب ثقة العميل بعد كده يبدأ يراجع على كل ده عشان يعرف هو نفذ إيه من إحتياجات العميل من خلال السلعه اللي قدمهاله
ولينا مرة تانيه نكمل فيها كلامنا عن الوظيفة دي