القيود المحاسبية

                                                           بقلم لؤلؤة 89

الصفحة الرئيسية >> العدد الثاني >> القيود المحاسبية

اى قيد محاسبى بيتكون من طرفين

مدين ودائن

ممكن  المدين يقل او  يزيد  و كذالك  الدائن

طيب بنعرفها على اساس ايه

هنقول مثال عامى علشان نفهم

مثلا واحد وزنة بيزيد دى طبيعته مهما  يزيد مش هنقوله حاجة لان دى طبيعته

طيب لو قل هنقوله ايه دة انت قليت كدة ليه دى مش طبعتك

فى المحاسبة كدة

كل حساب ليه طبيعته لو زاد منقدرش نكلمه لان دى طبيعته لكن لو قل بقى

 نكلمه فى الحالة دى وننقصه كمان

قبل لما نكمل نعرف طبيعة الحسابات

مثلا احنا فى شركة وبما اننا محاسبين صاحب الشركة قالنا سجلوا العمليات دىفى الدفاتر

# انا استثمرت مبلغ =10000

نفكر كدة استثمر مبلغ ومبلغ يعنى نقدية يبقى كدة النقدية زادت

واى حاجة بيزيد زى ما اتفقنا ملناش دعوة بيها دى طبيعتها يبقى هنخليها مدين

واى استثمار يعنى  زيادة فى راس المال واى حاجة بتزيد ملناش دعوة بيها يبقى هيفضل دائن

يبقى القيد فى النهاية

10000 ح/نقدية

           10000 ح/راس المال

# لو جيه قلنا انا اشتريت معدات بملغ 5000

نفكر

اشترى معدات يعنى فلوسنا قلت  واى حاجة بتقل تبقى ايه  تمام مش

 طبيعتها

يبقى النقدية هتقل وتبقى  دائن

واشترينا معدات يعنى المعدات الى عندنا زادت وهى تعتبر اصول

واى حاجة بتزيد منكلمهاش لان دى طبيعتها فهتبقى مدين

القيد هيبقى

5000 ح / معدات

           5000 ح/نقدية

 # لو قلنا صاحب الشركة انا دفعت مرتب العمال  20000

نفكر

دفعنا مرتب يعنى فلوسنا قلت يبقى النقديه هتقل  واى حاجة تقل مش فى طبيعتها يبقى هنخليها دائن

والمرتب دة يعتبر مصروف صاحب الشركة بيدفعوا للعمال كل شهر

يبقى مصروفتنا زادت واى حاجة بتزيد تبقى طبيعتها  يبقى مدين

القيد هيبقى

20000 ح/مرتبات عمال

          20000 ح/نقدية

وهكذا

كل لما نيجى نعمل قيد نشوف العملية دى هتاثر على ايه

وهل هتاثر عليه طبيعتها ولا لا

طبيعتها هنسبها زى ما هى لو لا نبقى نغيرها

تحياتى

عودة للعدد الثاني