إزاي نذاكر ؟؟
الصفحة الرئيسية >> العدد الأول >> إزاي نذاكر ؟؟
السلام عليكم
هنقول مقدمة بسيطة نفهم بيها موضوعنا
مثلا في المذاكرة
بعد ما نقرا الكتاب او المحاضرة ونخلص وكله
تمام
نقفل بقى الكتاب ونحاول نفتكر الى ذكرناه
الاجابة
أنا نسيييييييييت
مش فاكره
أنا مخى خلاص مش هيستقبل حاجة
طبعا كل الكلام دة غلط
لان أحنا استخدمنا عقلنا غلط في إدخال المعلومات ليه
طيب ازاى
تعالوا نتخيل حاجة بسيطة مع بعض
أن أحنا عقلنا زى الشجرة وعندنا ثمار الى هى المعلومات المفروض
هنعلقها فى الشجرة دى
عملنا إيه
مسكنا الثمار دى ورمناها مرة واحدة على الشجرة
ايه الى حصل
ثمرة مسكت وحبة لا وحبة خلاص يقعوا
ومع ابسط هواء يجى إيه الى هيحصل
الثمار دى هتقع
أحنا بنعمل كدة
ازااااااى ???????
نمسك الكتاب ونقرا معلومات ورا بعض وراء بعض
وممكن نكون بنقرا بس مش مركزين فى الى بنقراه
وبعد ما نخلص
الى نفتكره نفتكره والى بنفتكره يبقى مش متثبت
ندخل نكتبه فى الامتحان ونخرج ولا اكننا عارفين حاجة
لان احنا فى الاول مدخلين المعلومات غلط
فى الاول هنتكلم عن مرحلة قبل لما نبدا المذاكرة
مرحلة الاستعداد
طيب هتقولولى هنستعد ازاى
ب3 حاجات ايه هما
المكان و الوقت
و تهيئة العقل
هنمسك نقطة نقطة ونتكلم عنها
اول حاجة المكان
مينفعش مثلا نقول هنذاكر فى الصالة ويكون التلفزيون مفتوح ونبص حبة فى الكتاب وحبة
على المشهد دة
ولا فى الصالون والناس كلها تكون قاعدة جنبى و الى بتتكلم والى بيضحك
بمعنى لازم المكان الى هنذاكر فيه ميكونش حد حولينا او اى صوت
طبعا هتقولولى لية ؟؟؟؟؟؟؟؟
استيعابنا بتزيد اصلا لما الاصوات كلها تختفي وتلاقي نفسك بتبص للكلمة وبتقرأها في
سرك طبعا ( بتقرأ الكلام بعنييك ..)
.هتحس ان المعلومة اللي انت بتقرأها مفهومه جدا
ومش صعبه نهاااااااائي
وياسلام بقى لو بدل ما تقرها فى سرك تشغل المواهب الى عندك وتتكلم بصوت عالى كدة
بنستخدم عينانا وبؤنا و ودانا ولو معانا بقى ورقة وقلم يا سلااااااااااام
لان ببساطة عنييك بتستوعب الكلام بسهولة ...وبينشط عندك حاجه اسمها (ذاكرة مرئية)
سبحان الله وتلاقي نفسك فاكر مكان الاجابة في الكتاب بالظبط ...من مجرد النظر
بتركيز شديد اوي
يبقى أحنا عاوزين نعلى درجة الاستيعاب يعنى نستقبل معلومات كتير ونعلى درجة التركيز
كل دة بيحصل لما المكان يكون فاضى من التلفزيون والمسلسلات والنت
و شمساوى
وتوصلت الدراسات انه يمكن تذكر قوائم وتفاصيل معينه بمنتهى الدقة....من خلال ما
اسماه بالذاكرة المرئية ...!
طيب ازاى بقى هنطبق الكلام دة ونستخدم الذاكرة المرئية
اول حاجة نفتح الكتاب ونشوف الموضوع الى هنذكره
ونبدا نقرا بس مش قرايه جرايد
لا قولنا بتركييييييييييييييز
نقرا مرة كله على بعضة
تمام كدة
معلش هتعبكم معايا نقرا تانى ونركز اوووى على النقط الرئيسية
وبعدين نقفل الكتاب
كدة مخلصناش مذاكرة وهنقوم لالالا
نسال نفسنا سؤال؟؟؟
هو الراجل الى جوه الكتاب دة كان بيقول ايه
هنرد على الاجابة بالورقة و القلم
القلم يكون مبرى وسنه كويس
ونشغل بقى المواهب الى عندنا وركننها
وابدا اكتب العنواين الرئسية الى قرتها فى الكتاب
وبكده نكون شغلنا الذاكرة المرئية
ثانيا هنتكلم عن الوقت
لازم نختار الوقت المناسب
بمعنى
مثلا مش راجع من ماتش كورة وتعبان وهتموت وتنام
انا داخل اذاكر بقى
طبعا مينفعش
متمسكش الكتاب وانت نايم على نفسك
ليه يعنى؟؟؟؟ انتى مش عايزانى نذاكر
هقولكم ليه
انت هتمسك الكتاب وانت عايز تنام وتعبان
هتلاقى نفسك عمال تقرا ومش فاهم حاجة
النتيجة هتكون ايه؟؟؟
ايه المادة دددددددددى
مش فاهم حاجة
دى رخمة .......دى غلسة..........اه دة قالوا عليها اصعب مادة
وكدة انت عمال تكون دافع سلبى لنفسك
خلاص مفيش فايدة
هو سعد زغلول قال مفيش فايدة
يبقى اختيار الوقت مهم
فى ناس بتحب تذاكر الصبح وفى ناس مش بتعرف تذاكر غير بليل وكل الناس نايمة
طيب نختار الوقت الى يناسبنا
اهم حاجة يكون فى هدوء زى ما اتفقنا
هنعمل ايه بقى ؟؟؟؟؟؟؟؟
انتو بتسالونى
مش احنا قولنا فى الخطوة الى فاتت
هنفتح الكتاب ومعانا قلم رصاص سنة مبرى
كملوا بقى ....
يبقى احنا اخترنا المكان المناسب والوقت المناسب يااما الصبح بدرى او بليل متاخر
ثالثا خطوة تهيئة العقل
اول حاجة بلاش نعمل دافع سلبى لنفسنا
بمعنى
قبل لما نفتح لكتاب
المادة دى صعبة جداااااااا الى كانو فى السنة الى فاتت قالوا كدة
يااااااااااااا دة اغلب الدفعة كانت شايلها
دة الدكتور بتعها مبيشرحش حاجة
دة امتحانه مبيتحلش
نجى بقى نذاكر المادة دى
طبعا شكلنا كدة
واحنا مهيئين عقلنا ان احنا مش هنفهم لانها صعبة ومتتفهمش
ونرجع نقول
سعد زغلول قال مفيش فايدة
يبقى لازم نعمل دافعة ايجابية لعقلنا قبل لما نبدا
وهنقول بعض العبارات
احنا بنذاكر علشان نعرف معلومات جديدة منعرفهاش
الموضوع سهل وكانها معلومات عامة
بس المادة صعبة
هنقول لنفسنا
يعنى الى نجحوا فيها عندهم عقلين مش واحد
واخيرا نضع هدف امامنا ونتذكره دائما
كل ما عزيمتنا تقل نفتكر هدفنا واننا عايزين نوصله
يارب منكونش طولت عليكم والموضوع يعجبكم
تحيــــــــــــــــــــــــاتى